Një grup i panjohur palestinez e mori përgjegjësinë për sulmin me kamion në Jerusalem

Një grup i panjohur palestinez pohon se qëndron pas sulmit të djeshëm në Jerusalem.

Një palestinez me një kamion është përplasur me ushtarë izraelitë dhe me këtë rast ka vrarë katër prej tyre, ndërsa ka lënduar 17 persona.

Dje, kryeministri izraelit Benjamin Netanjahu deklaroi se sulmuesi ishte simpatizues i SHI-së.

Sot në mediat sociale arabe është shfaqur një kumtesë për marrjen e përgjegjësisë, të nënshkruar nga ana e grupit të emëruar si “Grupi i martirit Baha Alijan”.

Në kumtesë theksohet se grupi është përbërë nga palestinezë, të cilët nuk kanë lidhje jashtë nga Palestina.

Grupi pohon se edhe paraprakisht ka kryer sulme dhe kërcënohet me sulme të reja.