Rrëzohet avioni ushtarak rus me 91 njerëz në bord
Një avion ushtarak rus me 91 njerëz në bord u rrëzua të dielën në Detin e Zi. Lajmi njoftohet nga Ministria ruse e Mbrojtjes, e cila tha se avioni u zhduk nga radari 10 minuta pasi u ngrit në fluturim, nga resorti turistik i Soçit.
Autoritetet ruse njoftuan se “Tupolev 154” po transportonte ushtarakë anëtarë të orkestrës së famshme ushtarake “Aleksandrov”, transmeton Klan Kosova.
Deri tani nuk është gjetur asnjë i mbijetuar.
