May thërret britanikët “të mos frikësohen” nga terroristët

Kryeministrja britanike, Theresa May u bëri thirrje qytetarëve që t’u dërgojnë një mesazh të qartë terroristëve me të cilin do t’u thonë se nuk janë të frikësuar nga veprimet e tyre, raporton Anadolu Agency (AA).

Në një intervistë ekskluzive për të përditshmen britanike “The Evening Standard”, ajo tha se njerëzit duhet të dalin dhe të kënaqen në kohën e festave.

Sipas saj, njerëzit nuk do të duhet të frenojnë veten nga “shpingu” dhe zbavitja në kryeqytet, pavarësisht sulmit vdekjeprurës terrorist i cili ditë më parë ndodhi në Berlin, ku në shënjestër ishte tregu i Krishtlindjeve.

“Është e një rëndësie të veçantë të dërgojmë mesazh të qartë se nuk do të frikësohemi nga terroristët, por se do të vazhdojmë jetën ashtu siç kemi bërë der më tani”, tha May.

Niveli i sigurisë i vendosur nga organet e policisë për Londër është “i lartë”, që do të thotë se është i mundur një sulm terrorist.

“Shërbimet e sigurisë dhe policia janë duke punuar tërë kohës për të na mbajtur të sigurt”, lëvdëroi May shërbimet e sigurisë.

Policia e Londrës deklaroi se pas sulmit në Berlin është duke rishqyrtuar masat e sigurisë në kryeqytet.

Ndryshe, rreth një milion londinezë dhe turistë mblidhen në brigjet e lumit Temza dhe në sheshet kryesore të qytetit për të parë fishekzjarret tradicionale në prag të Vitit të Ri.

Leave a Reply

Your email address will not be published.

*

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

VERZIONI DESKTOP