Tarçullovski, nga i dënuar për krime lufte në kandidat për deputet
Partia më e madhe maqedonase VMRO-DPMNE në listën e kandidatëve për deputetë ka vendosur edhe Johan Tarcullovskin, të dënuarin e vetëm për krime lufte në Hagë nga Maqedonia. Atë, tribunali e dënoi me 12 vite, e më pas dënimin ia uli në tetë vite burgim.
Ai dënua për rastin Lubeten, në të cilin janë vrarë disa civilë shqiptarë, ndërsa aksionin sipas Tribunalit e ka planifikuar dhe zbatuar pikërisht Tarçullovski. Për analistët hapi i këtillë nuk është befasues meqë për këtë VMRO-DPMNE-në Tarçullovski është hero, e jo kriminel lufte, transmeton Alsat M.