Vrasja e përdoruesve të drogës, lideri i Filipineve kërcënon me largim nga OKB
Presidenti i Filipineve Rodrigo Duterte ka kërcënuar me ndarjen nga Kombet e Bashkuara pasi është kritikuar për luftën e tij ndaj drogës.
Duterte tha se ai mund t’i kërkojë Kinës dhe kombeve afrikane për të formuar një organizatë tjetër.
Ai gjithashtu akuzoi Kombet e Bashkuara për dështim në luftën kundër terrorizmit, urisë dhe konflikteve.
Duterte, i zgjedhur në muajin maj, ka lejuar vrasjen e të gjithë trafikantëve të drogës si dhe përdoruesve të saj.
Ndërsa OKB nga ana tjetër ka dënuar në mënyrë të përsëritur këtë nismë të presidentit si një dhunim i të drejtave të njeriut.
Afro 900 të dyshuar trafikantë droge janë vrarë rrugëve që kur Duterte është zgjedhur në 9 maj, transmeton Oranews.