Maqedonia me indeksin më të ulët të çmimeve të ushqimit në Evropë

Hulumtimi për çmimet e ushqimit dhe alkoolit të zbatuar në 37 shtete të ndryshme të Evropës në mesin e të cilave edhe shtete të BE-së, Zvicra rezulton të ketë indeks më të lartë 173 ndërsa Maqedonia është vend me indeks më të ulët prej 58, raporton Anadolu Agency (AA).

Enti i Turqisë për Statistika ka prezentuar paritetin e fuqisë blerëse (ushqim, cigare, alkool) për vitin 2015.

Indeksi i nivelit të çmimeve e tregon fuqinë e blerjes në përputhje me kursin e këmbimit valuator krahasuar me me valutat e vendeve.

Një vend që ka indeks të lartë llogaritet si vend i shtrenjtë dhe vendi me indeks të ulët është shtet me çmime të lira.

Në bazë të hulumtimit shporta e konsumatorit e cila në Maqedoni mund të blihet me 58 euro, në Turqi do të kushtonte 90 euro ndërsa në Zvicër 173 euro. Lista me indeksin e nivelit të çmimeve për ushqim dhe alkool (EU28=100) për vitin 2015 është si vijon.