LSDM: VMRO -DPMNE – ja në vitin 2008 e ka pranuar ndryshimin e emrit të shteti
LSDMja sot përmes një kumtese me shkrim akuzoi se ishkryeministri dhe lider i VMRO-DPMNE-së Nikolla Gruevski ka pranuar ndryshim të emrit të shtetit. Në kumtesë thuhet se në vitin 2008, Gruevski si kryeministër është pajtuar me emrin Republika e Maqedonisë (Shkup).
“Edhe vetë Antonio Milloshovski nga VMRODPMNEja, si ministër i Punëve të Jashtme, në një letër të dërguar Sekretarit të Përgjithshëm të KBsë, Ban Kimun, pranoi se e kanë pranuar propozimin për ndryshimin e emrit në ‘Republika e Maqedonisë (Shkup)’, por këtë propozim e ka refuzuar Greqia”, theksohet në kumtesë.
LSDM-ja thekson se kjo është konfirmuar edhe në dokumentet që i publikoi “Uikiliks”, si dhe në bisedimet e përgjuara nga projekti “E vërteta për Maqedoninë”.
Nga ana tjetër VMRO-DPMNE, vlerëson se akuzat e LSDM-së se Gruevski e ka dakorduar dhe pranuar ndryshim të emrit të Republikës së Maqedonisë janë tregues se ata janë të obsesionuar dhe frustruar nga ai. Nga partia theksojnë se as ai, e as partia nuk kanë tregtuar, e as madje nuk do të tregtojnë me emrin kushtetues të vendit.