Stamboll, fillon Festivali i tre kënaqësive, librit, kafes dhe çokollatës

Nën moton se kënaqësia e leximit të librit, pirjes së kafes dhe ngrënies së çokollatës janë të pandara, në Stamboll të Turqisë ka filluar Festivali i tre kënaqësive: Librave, kafeve, dhe çokollatave, i cili do të zgjatë deri më 27 dhjetor, raporton Anadolu Agency (AA).

Festivali mbahet në Muzeun ushtarak, ndërsa në të janë ekspozuar librat, llojet e ndryshme të kafes, kafe-aparatet, filxhanet për kafe, çokollatat dhe përbërësit e nevojshëm për bërjen e çokollatës.

Vizitorët e Festivalit, mund të shijojnë kafen dhe çokollatën më të lirë, si dhe veprat e pëzgjedhura të shtëpive botuese të Turqisë, rajonit dhe më gjerë. Gjithashtu, vizitorët mund të bisedojnë me shkrimtarët gjatë Festivalit dhe të marrin pjesë në punëtori të ndryshme dhe prezantime.