Shkelet një fëmijë në Vllae të Shkupit
Dje rreth orës,15:20, para hyrjes së shkollës fillore “Dimo Haxhi Dimov”, në lagjen e Shkupit Vllae, është shkelur një fëmijë 11 vjeçar.
Fëmija ka marrë lëndime të rënda dhe menjëherë është dërguar në spital.
Nga Qendra Emergjente për Telma, kanë thënë se fëmija është në gjendje kontaktibile, ka thyerje të krahut, i janë bërë të gjitha inçizimet kompjuterike, ndërkaq fëmija është hospitalizuar në Kirurgjinë e fëmijëve.
Aksidenti ka ndodhur në rrugën Angell Dinev, ndërkaq sipas MPB-së, automjetin “Shevrolet” e ka drejtuar B.T. (1955).
Sipas dëshmitarëve okular, ngjarja ka ndodhur rreth orës 15, kur njëmbëdhjetëvjeçari ka shkuar ta merr nga shkolla motrën e tij më të vogël.
