Sindikata e policisë në Maqedoni ka paraqitur kallëzim penal në Prokurorinë Themelore Publike (PTHP) Shkup kundër ish-ministrit të Punëve të Brendshme Oliver Spasovski, si dhe kundër Danica Çadieva kryetare aktual e Komisionit Shtetëror për vendimmarrje në procedurat administrative dhe procedurat nga punësimi në shkallë të dytë, transmeton Portalb.mk.
Kallëzimi penal, siç tha sot në një deklaratë për media, Orce Kocevski, kryetar i Sindikatës së Policisë së Maqedonisë, është për shkak të ekzistimit të dyshimit të bazuar se janë kryer dy vepra penale – shkelja e të drejtës nga marrëdhënia e punës dhe keqpërdorimi i pozitës dhe autoritetit zyrtar.
O.S i raportuar, inicialet e të cilit përputhen me ish-ministrin Oliver Spasovski, ka përgatitur vendim për shkarkimin e një punonjësi të MPB-së, të cilin Kocevski thotë se në asnjë rrethanë nuk është dashur ta përgatisë.
“Pas procedurës së zhvilluar më parë për përcaktimin e përgjegjësisë disiplinore të punonjësit në MPB për shkelje të lehtë të shkeljes së disiplinës së punës, i pandehuri i parë në cilësinë e ministrit ka hartuar një vendim që nuk i është lejuar ta hartojë në asnjë rast dhe pas kësaj ka përpiluar vendim me të cilin punonjësi V.R. i dorëzoi dorëheqjen”, tha Kocevski.
E paditura e dytë, megjithatë, siç tha Kocevski, në cilësinë e kryetares së komisionit në fjalë, duke vendosur për kundërshtimin e përmendur, ka përgatitur aktvendim me të cilin e refuzon kundërshtimin si të pabazuar.
Sindikata e Policisë kërkon nga Prokuroria Themelore Publike Shkup që t’i marrë parasysh këtë dhe raportet e mëparshme dhe, siç tha Kocevski, seriozisht t’i shqyrtojë dhe “në fund të ngrejë aktakuzë kundër personave të përmendur dhe të fillojë dhënien e drejtësisë në Maqedoni”.
Ai theksoi se si sindikatë kanë dy-tre vite që flasin publikisht se në vitet e fundit, në kohën e ish-ministrit të Punëve të Brendshme, në mënyrë të kundërligjshme janë nxjerrë mbi 25 mijë vendime.
“Fjala është për mbi 25 mijë zgjidhje përgatitja e të cilave sipas përllogaritjes zyrtare i ka shkaktuar dëm buxhetit të MPB-së mbi 25 milionë euro. Shpresoj që PTHP-ja do të ketë një punë serioze, një sfidë serioze dhe që e gjithë kjo punë, përfshirë edhe atë të sotmen, shumë shpejt do të dalë para opinionit”, shtoi Kocevski.
“Në rastin konkret ekziston dyshimi i bazuar se i raportuari O.S. duke keqpërdorur pozitën dhe autoritetin zyrtar, duke mos iu bindur rregullave shëndetësore që ishin në fuqi në atë kohë, si dhe duke marrë masa dhe veprime zyrtare gjatë ndalimit të punës, gjegjësisht derisa ishte në pushim mjekësor dhe duke mos iu bindur rregulloreve për mbrojtje nga rregullorja e Inspektoratit Shtetëror Sanitar dhe Shëndetësor për Mbrojtjen nga virusi “Covid 19” ka nënshkruar dy vendime me duar dhe në mënyrë të kundërligjshme”, thuhet në njoftimin e Sindikatës.
Paraprakisht, e njëjta Sindikatë, në fillim të qershorit, paditi Spasovskin për Shpërdorimit të pozitës dhe autoritetit zyrtar” dhe “Punë të papërgjegjshme në shërbim”. Ai gjatë kohës së pandemisë kishte nënshkruar në mënyrë të kundërligjshme dy vendime.