Në Gaza nga sulmet e 24 orëve të fundit nga ushtria izraelite, kanë humbur jetën 25 persona, ndërkaq 80 të tjerë kanë ngelur të plagosur. Numri i përgjithshëm i personave që kanë humbur jetën nga ky konflikt rritet në 37,372 persona. Ekipet shëndetësore dhe Mbrojtjes Civile nuk mund të operojnë për shkak të aktiviteteve të forcave izraelite, transmeton Portalb.mk nga Anadolu.
Është rritur në 37.372 numri i palestinezëve të vrarë në sulmet e ushtrisë izraelite që nga 7 tetori i vitit 2023 në Rripin e Gazës. Në një deklaratë nga Ministria palestineze e Shëndetësisë në Gaza informohet lidhur me sulmet që Izraeli vazhdon prej 256 ditësh ndaj Rripit të Gazës.
Në sulmet që ushtria izraelite ka kryer në 24 orët e fundit ndaj zonave të ndryshme të Gazës janë kryer 3 “masakra”, ndërsa në këto sulme kanë humbur jetën 25 palestinezë dhe janë plagosur 80 të tjerë.
Në sulmet e Izraelit në Rripin e Gazës që nga 7 tetori e deri më tani numri i palestinezëve të vrarë ka arritur në 37.372 ndërsa i të plagosurve në 85.452. Gjithashtu në deklaratë thuhet se nën rrënoja dhe përreth rrugëve ende ka kufoma të të vrarëve dhe se ekipet shëndetësore dhe të Mbrojtjes Civile nuk kanë mundur të mbërrijnë tek trupat për shkak se pengohen nga forcat izraelite.