Pagat e mësimdhënësve dhe punonjësve të tjerë në shkollat fillore dhe të mesme vazhdojnë të rriten. Ministri i Arsimit dhe Shkencës Jeton Shaqiri dhe kryetari i Sindikatit të Pavarur për Arsim, Shkencë dhe Kulturë, Jakim Nedellkov, nënshkruan marrëveshje e cila parasheh rritjen e pagave të punonjësve në shkollat fillore dhe të mesme me 15%, duke filluar nga muaji vijues shtator, transmeton Portalb.mk.
“Jam i nderuar që pikërisht gjatë mandatit tim si ministër i Arsimit dhe Shkencës në vitin 2022 dhe 2023, praktikisht në një periudhë vetëm njëvjeçare, pagat e mësimdhënësve janë rritur trefish, pra kumulativisht mbi 35%. Ky është vetëm konfirmim se realisht synojmë t’jua kthejmë mësimdhënësve dinjitetin të cilin e meritojnë në shoqëri, sepse ata janë hallka më e rëndësishme e procesit edukativo- arsimor nga e cila varet cilësia e gjeneratave që po krijohen dhe pa të cilët asnjë reformë nuk mund të ketë sukses”, theksoi Shaqiri.
Kryetari i SASHK-ut, Jakim Nedellkov theksoi se vetëm me mësimdhënës të motivuar mund të ndërtojmë një të ardhme më të mirë për vendin. Ai gjithashtu u shpreh se si Sindikatë do të vazhdojnë të angazhohen për përmirësimin e të drejtave dhe mundësive të punonjësve arsimor edhe në të ardhmen ndërsa gjithashtu pret që së shpejti të arrihet pëlqim për ndryshimet në marrëveshjen kolektive me të cilën edhe më shumë do të stimulohet puna e mësimdhënësve që drejtpërdrejt t’i përcjellin njohurit tek nxënësit.
“Gjitashtu, përveç rritjes së pagave, në ndërkohë vazhdojnë edhe trajnimet e vazhdueshëm të mësimdhënësve, si qëlllim i vetëm për të përforcuar vazhdimisht përgjegjësitë e tyre profesionale, duke Ju hapur mundësi për zhvillim në karrierë në titullin mentor dhe këshilltar. Gjatë periudhës 3 vjeçare, në titullin mentor, janë avancuar 250 mësimdhënës të shkollave fillore të cilët janë bartës të ndryshimeve që po ndodhin për ngritjen e cilësisë në mësimdhënie”, njoftoi MASh.
SASHK-u vitin e kaluar protestoi për paga më të larta. Ata kanë arritur rritje prej rreth 4 mijë denarë, e më pas në shkurt kanë marrë edhe 1 mijë denarë.
Paga bazë fillestare e mësuesit në arsimin fillor është 29.000 denarë. Për SASHK-un, modeli i pagave i aplikuar në sektorin publik, me pikë dhe rritje lineare të pagave, nuk është i pranueshëm, por modeli i përqindjes, me koeficientë, është i pranueshëm për ta.
Më 3 korrik, Këshilli Ekonomiko-Social (KES) mbajti seancë të udhëhequr nga ministrja Trençevska. Në seancë u prezantuan simulimet e reja sipas rritjes së pagave të propozuar paraprakisht nga përfaqësuesit e sindikatave. Pas propozimeve të dhëna, mes të pranishmëve u hap diskutim. Megjithatë, nuk pati vendim. Partnerët socialë ranë dakord që negociatat e mëtejshme për Metodologjinë për rritjen e pagave në sektorin publik do të zhvillohen në një grup më të vogël pune të përbërë nga anëtarë të KES, i cili do të punojë shpesh dhe do të dalë me propozime deri në seancën e ardhshme të KES.
Paraprakisht, u prezantua Metodologjia për rritjen e pagave në sektorin publik, e cila propozon një periudhë të re tranzicioni nga viti 2023 – 2025, pra rritje të pagave për një periudhë 2.5 vjeçare. Sindikatat, nga ana tjetër, vlerësuan se ka një zhvendosje nga “pika e vdekur”, por nuk devijojnë nga kërkesat sepse ajo që ofrohet nuk është e pranueshme për ta.
Paga mesatare mujore neto për të punësuar, gjatë muajit prill 2023, është 36.134 denarë, ndërsa paga mesatare mujore bruto për të punësuar, gjatë muajit prill 2023, është 54.177denarë, raportoi Enti Shtetëror i Statistikave.
- LEXO: RMV, nuk ka vendim për rritjen e pagave, negociatat do të zhvillohen nga një grup më i vogël i Këshillit ekonomiko-social
- LEXO: Nga shtatori rritje e rrogës, por po punohet për zgjidhje afatgjate me sindikatat, sqaroi Kovaçevski
- LEXO: Trendafillov: Për një kohë të shkurtër do të kemi zgjidhje për rritjen e pagave në sektorin publik
- LEXO: RMV, nuk ka vendim për rritjen e pagave, negociatat do të zhvillohen nga një grup më i vogël i Këshillit ekonomiko-social
[…] Ndryshe, shumë të punësuar në sektorin publik do të marrin rrogë më të lartë për 10 % në bazë të Marrëveshjes së përgjithshme kolektive, derisa të sektori i arsimit është planifikuar rritja për 15 %. […]
[…] Ndryshe, shumë të punësuar në sektorin publik do të marrin rrogë më të lartë për 10 % në bazë të Marrëveshjes së përgjithshme kolektive, derisa të sektori i arsimit është planifikuar rritja për 15 %. […]