Ministria e Shëndetësisë informon se për herë të parë në historinë e shëndetësisë së Maqedonisë, katër organe në një akt u implantuan nga një dhurues këtë mëngjes, njofton Ministria, transmeton Portalb.mk.
“Falë humanizmit të një familjeje, dashurisë, mirësisë dhe ndjeshmërisë së tyre që mbartin në vete, herët në mëngjes një zemër e re filloi të rrahë në gjoksin e një pacienti 40-vjeçar nga Shkupi. Një shans i ri për jetën dhe mëlçinë iu dha një pacienti me sëmundje kronike të mëlçisë, dhe dy pacientë në dializë gjatë ditës do të marrin veshka. Përveç kësaj, një shans për një cilësi më të mirë të jetës, në ditët e ardhshme do t ‘u jepet pacientëve me sëmundje të kockave. Edhe një herë faleminderit familjes së dhuruesit që me vendimin e tyre vetëmohues na solli një mëngjes plot shpresë dhe besim në mirësinë e pakushtëzuar”, njoftojnë nga Ministria e Shëndetësisë.
Ata i falënderojnë gjitha ekipet mjekësore që kanë punuar dhe janë ende duke punuar në klinikat kirurgjikale dhe interne të Shkupit në 24 orët e fundit.
“Pacientëve që kanë marrë organet ju urojmë shërim të shpejtë. Jemi krenarë për çdo sukses të ri në shëndetësinë maqedonase”, thonë nga Ministria.