Rusia vazhdimisht gjen terren pjellor në Serbi dhe në Republikën Srpska për përpjekje për të destabilizuar dhe zgjeruar ndikimin e saj, për shembull përmes fushatave dezinformuese dhe ndikimit në media, tha ministri gjerman i mbrojtjes, shkruan Vërtetmatësi.
Ministri gjerman i Mbrojtjes Boris Pistorius e vlerësoi situatën në Bosnjë dhe Hercegovinë si të brishtë dhe vlerësoi se NATO dhe Bashkimi Evropian mund të bëjnë më shumë për të ruajtur paqen, edhe duke dërguar trupa shtesë në Misionin Evropian të Paqes, raporton agjencia gjermane e lajmeve DPA.
Ai i përshkroi Serbinë dhe Republikën Srpska si “tokë pjellore” për ndikimin rus.
Kjo mund të përfshijë forcimin e pranisë ushtarake aleate për të mbrojtur sovranitetin dhe integritetin territorial të Bosnjë dhe Hercegovinës, tha ai gjatë një vizite të ushtarëve gjermanë në misionin e BE Eufor Altea dje në Sarajevë.
“Rusia ka gjetur vazhdimisht terren pjellor në Serbi dhe Republikën Srpska për përpjekje për të destabilizuar dhe zgjeruar ndikimin e saj, për shembull përmes fushatave dezinformuese dhe ndikimit në media,” tha Pistorius.
Ai shtoi se tensioni i shkaktuar nga kjo në Ballkanin Perëndimor dikton vazhdimin e masave stabilizuese.
Pistorius vizitoi Prishtinën këtë javë dhe gjithashtu do të udhëtojë nga Sarajeva në Beograd.