Presidenti i Partisë Progresive Serbe (SNS) në pushtet, Millosh Vuçeviq, tha se lista “Aleksandar Vuçiq-Srbija Nesër”, përveç në Baçka Topola, Senta, Kanizha dhe Tutin, fitoi në të gjitha qytetet dhe komunat e tjera të Serbisë. në zgjedhjet lokale të mbajtura dje në Serbi, shkruan TRTBalkan.
Ai tha se dalja mesatare në numrin më të madh të komunave dhe qyteteve ku janë mbajtur zgjedhjet ka qenë ndërmjet 43 dhe 44 përqind.
Kur bëhet fjalë për kryeqytetin e Serbisë, sipas vlerësimit të IPSOS-CESID bazuar në 51,1 përqind të votave të përpunuara, lista “Aleksandar Vuçiq – Beograd Nesër” ka fituar 53 përqind të votave.
Në vendin e dytë renditet lista “Dr.Savo Manojloviq – Unë jam Beogradi – Go-Change” me 17, dhe në vendin e tretë është “Zgjedhim Beogradin – Dobrica Veselinoviq – Milosh Pavloviq” me 12,6 përqind.
Në vend të katërt renditet lista “Ne jemi forca e popullit, prof. Dr. Branimir Nestoroviq” me 8,2 përqind të votave fitoi.
Zgjedhjet u mbajtën në 12 qytete të tjera: Suboticë, Zrenjanin, Kikinda, Vrshac, Pançevë, Sombor, Sremska Mitrovicë, Valjevë, Pozharevac, Jagodina, Uzhice dhe Çaçak.
Dita e zgjedhjeve u shënua nga pretendimet e shumta të opozitës se procesi u zhvillua nën hijen e manipulimeve zgjedhore.
Komisioni zgjedhor duhet të publikojë raportin e përgjithshëm për rezultatet e zgjedhjeve brenda 96 orëve nga mbyllja e vendvotimeve.
Zgjedhjet nuk janë organizuar në 64 qytete dhe komuna ku janë mbajtur në dhjetor të vitit të kaluar.