Shkupi nesër në mëngjes sërish do të ketë problem me transportin publik pasi disa nga punëtorët e NTP “Shkupi” kanë paralajmëruar se do të protestojnë. Punonjësit thonë se nesër nga ora 4:30 deri në orën 12:30 do të protestojnë para selisë së ndërmarrjes në lagjen Autokomandë dhe se autobusët do të qarkullojnë me orar të reduktuar dhe nëse askush nga drejtuesit e NTP-së nuk i pranon për bisedë, ata pas orës 12:30 do të shkojnë në shtëpi dhe nuk do të ketë më autobusë në Shkup, transmeton Portalb.mk.
Sipas Elizabeta Toshevska, përfaqësuese e Sindikatës “Spice” në NTP, arsyeja e grevës është mosrespektimi i pagës minimale me Marrëveshjen Kolektive në nivel të punëdhënësit, gjegjësisht rritje për 2.170 denarë për punonjësit e kompanisë. Toshevska thotë se punëtorët do grevojnë edhe për, siç tha ajo, për kërkesat e papërmbushura dhe qëndrimin injorant të menaxhmentit të ndërmarrjes publike, por edhe për shkak të shkeljes së të drejtave nga marrëdhënia e punës dhe sigurisë dhe shëndetit në punë.
“Arsyeja e grevës është përafrimi i pagës minimale me Marrëveshjen Kolektive, mospagesa e orëve jashtë orarit të punës, mospagesa e ushqimit për punëtorët që punojnë natën nga ora 22 deri në 6 të mëngjesit, diskriminimi ndaj shoferëve të rinj, njerëz që kanë patentë dhe e cila vlen kudo në botë, ndërsa ka vite që këtu ka shoferë më të rinj”, thotë Toshevska.
Ajo bën të ditur se gjithsej 1300 persona janë të punësuar në NTP, ndërsa 600 janë shoferë.
Kryetari i Komunës së Aeroportit, Timço Mucunski, ka thënë për shpalljet për grevë në NTP sot pas takimit të kryetarëve të rajonit planor të Shkupit.
Nga Ndërmarrja Publike, nga ana tjetër, përmes një komunikate konfirmojnë se do të ketë grevë, por thonë se funksionimi i transportit publik të qytetit nesër do të jetë i rregullt dhe pa rezerva.
“I bëjmë thirrje mediave që të jenë të përgjegjshme dhe të mos përhapin lajme të rreme dhe panik te qytetarët. Në të njëjtën kohë, duam të theksojmë se arsyeja e grevës së Sindikatës së sapoformuar, e katërta me radhë, është jolegjitime, pasi që nga 1 qershori, të gjithë punëtorëve në NTP u është rritur paga. Apelojmë deri te mediat dhe sindikatat që të mos lejojnë që të instrumentalizohen nga politikanët dhe banditë politikë”, thuhet në njoftimin e NTP “Shkup”.
Edhe vitin e kaluar punëtorët e ndërmarrjes publike nuk dolën për të vozitur për shkak të vonesës në dhënien e pagave brenda afatit ligjor të NTP “Shkupi”, por pas zgjidhjes së problemit autobusët vazhduan të qarkullojnë nëpër rrugët e Shkupit.
Njoftimet për grevën e nesërme të një pjese të punëtorëve të NTP “Shkupi” do të jenë të dytat që ndodhin në ndërmarrjet publike të Shkupit. Punonjësit e “Higjienës Komunale” prej disa ditësh po protestojnë para ndërmarrjes dhe kjo ka bërë që qyteti të përmbytet nga plehrat.