Sonte u dëgjuan të shtëna në Çair, si pasojë një person mbeti i plagosur, raporton Portalb.mk.
Nga Ministria e Punëve të Brendshme në një deklaratë për TV21 theksuan se në ora 20.20 është denoncuar se në rrugën “Cvetan Dimov” në Shkup është lënduar një person nga arma e zjarrit.
“Sipas së denoncuarës, ndaj të lënduarit është gjuajtur nga vetura “Pasat”. I lënduari është dërguar në Spitalin e Përgjithshëm të Qytetit “Shën Naumi i Ohrit” për marrjen e ndihmës mjekësore”, thanë nga MPB.
Po ndërmerren masa për zbardhjen e rastit.