Prokuroria Themelore Publike e Gjevgjelisë lëshoi urdhër për zhvillimin e procedurës hetimore kundër një personi nga Bogdanci për veprën penale Vrasje sipas Nenit 123 paragrafi 2 pikat 1 dhe 2 të Kodit Penal, transmeton Portalb.mk.
Më 11 janar, i dyshuari, gjatë kryerjes së dhunës në familje, e privoi brutalisht nga jeta nënën e tij.
Në apartamentin në Bogdanci ku jetonin me qira, nëna dhe djali filluan grindje për trajtimin mjekësor të të dyshuarit. Në një moment, ai mori një thikë nga kuzhina me të cilën e goditi nënën disa herë në kokë dhe qafë. Meqenëse thika u thye, ai mori gërshërë dhe vazhdoi ta godiste me to, dhe pasi u shtrembëruan edhe ata, ai mori një thikë tjetër prerëse perimesh me një pjesë të mprehtë nga kuzhina me të cilën e goditi në qafë. Gruaja vdiq nga goditjet e shumta me thikë.
Meqenëse ekzistojnë rrethana që justifikojnë frikën se i dyshuari do të ikë ose do të ndikojë te dëshmitarët që do të merren në pyetje gjatë procedurës penale, prokurori publik propozoi që ai të lihet në paraburgim.