Ministria për Kulturë në Maqedoninë e Veriut ka njoftuar që fituesit e Çmimit Shtetëror “Shën Klimenti i Ohrit” për vitin 2023 është Rabije Murati dhe Antonio Mitriqeski, transmeton Portalb.mk.
“Në fushën e arsimit dhe edukimit, çmimi i jepet profesoreshës universitare, Rabije Murati, ndërsa në fushën e kulturës dhe artit, çmimi i jepet Antonio Mitriqeskit, regjisor i filmit”, njoftoi kryetari i Këshillit për ndarjen e çmimit shtetëror “Shën Klimenti I Ohrit”, Tomislav Omsnali.
Këshilli njoftoi që më 8 dhjetor, duke filluar nga ora 12:00, në Kuvendin e Republikës së Maqedonisë së Veriut do të bëhet ndarja e çmimeve.