Nisma e aktivistëve të pavarur “Më Mirë për Tetovën” ka kritikuar se rruga “Boris Kidriç” në Tetovë është bërë “shkel e shko”, raporton Portalb.mk.
Vullnet Neziri nga MMPT tha se punimet në këtë bulevard duhej të përfundonin në pranverë, por banorët dhe bizneset vazhdojnë të paguajnë çmimin e lartë të kësaj hallakame që nuk i shihet fundi.
“Punimet në qytet kryhen pa transparencë. Projektet nuk kanë tabela informuese, ashtu si e kërkon ligji. Është e paqartë se si përzgjidhen kompanitë që i projektojnë dhe realizojnë këto projekte dhe kush mban përgjegjësi kur punimet zvarriten apo dështojnë. Trotoaret e qytetit vazhdojnë të jenë të uzurpuara. Prindërit me karroca nuk mund të lëvizin lirshëm me fëmijët e tyre”, tha Neziri.
Ai shtoi se komunikacioni është kthyer në luftë të përditshme për të gjithë qytetarët dhe se kaosi urban dita ditës përkeqësohet.
Në programin zgjedhor të kryetarit aktual të komunës, i cili kandidon edhe për një mandat, Bilall Kasami premton “vazhdimin e Bulevarit Boris Kidriç nga kryqëzimi me Bulevardin Bllagoja Toska deri te Stacioni i Autobusëve.
Ndryshe, punimet për rikonstruimin e kësaj rruge janë zvarritur vazhdimisht dhe janë shoqëruar me shumë polemika, për të cilat Portalb.mk ka raportuar në vazhdimësi.
- LEXO: Rexhepi alarmoi që ndërtimi i bulevardit “Boris Kidriç” po bëhet kundërligjshëm, Komuna e Tetovës e demantoi
- LEXO: Përfundimisht nuk filloi asfaltimi i rrugës “Boris Kidriç” siç tha Kasami
- LEXO: Kasami dje tha sot, sot thotë nesër: ‘Boris Kidriç’ ende pa asfalt
- LEXO: Kaos në pikun e verës në ‘Boris Kidriç’: Njëra pjesë ende pa asfalt, Kasami thotë se asfaltimi pritet të fillojë sot
- LEXO: Zvarritet rikonstruimi i rrugës Boris Kidriç në Tetovë, komuna fajin ja le motit të keq
- LEXO: Në afat të pacaktuar, banorët do të jenë pa ujë në rrugën ‘Boris Kidriç’ në Tetovë për shkak të rikonstruimit të rrugës