Ministria për Arsim dhe Shkencë (MASH) së bashku me Sindikatën për Arsim, Shkencë dhe Kulturë (SASHK) kanë vazhduar punimet për hartimin e Marrëveshjes kolektive për shkollat fillore dhe të mesme në Maqedoninë e Veriut, transmeton Portalb.mk.
“Bisedimet për Marrëveshjen kolektive për arsimin fillor dhe të mesme ndërmjet SASHK-ut dhe MASH-it po përshpejtohen. Sot, përfaqësuesit e SASHK-ut, MASH-it dhe Qeverisë së Republikës së Maqedonisë në një atmosferë pune kanë punuar për çështjet e rëndësishme që janë theksuar nga anëtarët e SASHK-ut pas debatit publik”, sqaruan nga Sindikata.
Pas takimit u theksua se të dy palët kanë shpreh dëshirë që marrëveshja të nënshkruhet sa më shpejtë të jetë e mundur.
Sindikata theksoi se shumica e çështjeve kanë ndikim financiar, për çka MASH-i duhet të ketë konsultime shtesë me Ministrinë për Financave.
Në marrëveshjen e fundit të nënshkruar në tetor të vitit 2024, ndërmjet SASHK-ut dhe Qeverisë së Maqedonisë së Veriut, u vendosën projeksionet për rritjen e pagave në vitit e ardhshme. Në bazë të kësaj, mësimdhënësit në mars të vitit 2026 do të ketë rritje mes 7,5 – 10%, në mars të vitit 2027 do të ketë rritje mes 7,5-10% dhe në mars të vitit 2028 do të ketë rritje mes 10-12,5%.
Në vitin korrik të vitit 2023, Këshilli i Sindikatës për Arsim Shkencë dhe Kulturë (SASHK) solli Konkluzion se Marrëveshja e përgjithshme kolektive për sektorin publik është e papranueshme për anëtarët e Sindikatës posaçërisht nga veprimtaria e arsimit, informoi kryetari i kësaj sindikate Jakim Nedellkov.