Ministria për Punë të Brendshme në Maqedoninë e Veriut sot ka bërë hapjen e njësisë së parë të specializuar për siguri kibernetike, transmeton Portalb.mk.
“Në kohën e digjitalizimit të shpejtë dhe të kërcënimeve kibernetike gjithnjë e më të rrezikshme dhe të sofistikuara, Ministria e Punëve të Brendshme po ndërmerr një hap strategjik dhe vendimtar, për herë të parë në ekzistimin e saj, formoi Njësinë e specializuar të Sigurisë Kibernetike”, deklaroi ministri për Punë të Brendshme, Pançe Toshkovski.
Ministria sqaroi që kjo Njësi do të kryejë analiza te vazhdueshme, zbulimin e kërcënimeve kibernetike dhe instalimin dhe menaxhimin e IT-së së MPB-së.
“Me këtë iniciativë, Ministria e Punëve të Brendshme vendos një standard të ri të mbrojtjes kibernetike, që nënkupton një mburojë sigurie moderne, të qëndrueshme dhe të fuqishme që përmbush sfidat e sotme dhe siguron besimin publik se të dhënat e qytetarëve gëzojnë mbrojtje të lartë”, deklaruan nga MPB-ja.
Ministria vlerësoi që përmes këtij sistemi pritet të rritet besimin publik se të dhënat e qytetarëve gëzojnë mbrojtje të lartë.