Banorët dhe autoritetet në Evropën Qendrore vazhdojnë të luftojnë me reshje të dendura shiu dhe përmbytje, transmeton Radio Evropa e Lirë.
Në Rumani, zyrtarët thanë se së paku gjashtë persona kanë humbur jetën dhe dy të tjerë janë zhdukur.
Në Austri, një zjarrfikës vdiq gjatë një operacioni të shpëtimit.
Thousands evacuated in Czech Republic due to floods #CzechRepublic #weather #nature #naturaldisaster #Europe #climate #flooding #floodhttps://t.co/XiyzSW0v9P pic.twitter.com/puWBeUuByw
— Kazinform (@kazinform_eng) September 16, 2024
Në Poloni u raportua, po ashtu, një viktimë nga mbytja, ndërsa në Republikën Çeke katër persona janë të zhdukur.
Provinca austriake që rrethon Vjenën, u shpall “zonë fatkeqësie”, ndërsa kryeministri i Polonisë, Donald Tusk, shpalli gjithashtu gjendje të fatkeqësisë natyrore.
Lidhjet e trenave midis Polonisë dhe Republikës Çeke u pezulluan.
Në Çeki, rreth 250.000 familje vazhdojnë të mbeten pa energji elektrike. Në kryeqytetin Pragë, autoritetet ndërmorën masa për të parandaluar përmbytjet rreth lumit Volltava.
Instituti Kombëtar i Hidrologjisë dhe Menaxhimit të Ujit në Rumani lëshoi alarmin e kuq për qarqet Galati dhe Vaslui, ku përmbytjet në disa zona ishin 3 metra të thella.
Parashikimet janë që shirat dhe erërat e forta që nisën qysh në fund të javës së kaluar, të vazhdojnë edhe gjatë ditës së hënë.