REK “Manastiri” sot në mëngjes është duke punuar vetëm me një njësi pas ndërprerjes së djeshme të termocentralit nga sistemi elektroenergjetik i Maqedonisë, transmeton Portalb.mk.
Elektranat e Maqedonisë së Veriut (EMV) presin që sanimi i problemit të përfundojë deri të hënën.
“Dje në orët e vona të pasdites është vënë në funksion njësia 1. Ndërprerja e papritur e njësisë për shkak të ndërprerjes së energjisë elektrike ka shkaktuar problem në kaldajën e njësisë 1, ndaj impianti do të shkëputet nga rrjeti gjatë ditës. Pritet që deri të hënën të përfundojë sanimi i problemit, pas së cilës blloku 1 do të vihet sërish në funksion”, tha EMV.
Me këtë, shtojnë ata, REK “Manastiri” do të vazhdojë punën me dy blloqe.
EMV thotë se janë duke vazhduar operacionet e vënies në punë të bllokut 3, të cilat janë ndërprerë dje për shkak të ndërprerjes së lidhësit 110 kilovolt të MEPSO-s.
“Kaldaja do të vihet në funksion sot. Sanimi i bllokut 2 të REK ‘Manastir’ po ecën pa probleme dhe në përputhje me dinamikën e pritur”, shtoi EMV.