Disa kandidatë të kabinetit të presidentit të zgjedhur amerikan, Donald Trump janë kërcënuar me bombë, njofton FBI, raporton ABC.
“Ne i marrim seriozisht të gjitha kërcënimet e mundshme dhe, si gjithmonë, inkurajojmë anëtarët e publikut që të raportojnë menjëherë çdo gjë që ata e konsiderojnë të dyshimtë te zbatimi i ligjit”, tha në një deklaratë agjencia.
Zëdhënësja e Trump, Karoline Leavitt konfirmoi se kërcënimet janë bërë të martën dhe të mërkurën.
“Këto sulme varionin nga kërcënimet me bombë deri tek ‘swatting’. Si përgjigje, forcat e zbatimit të ligjit dhe autoritetet e tjera vepruan shpejt për të garantuar sigurinë e atyre që ishin në shënjestër. Presidenti Trump dhe i gjithë ekipi i tranzicionit janë mirënjohës për veprimin e tyre të shpejtë” tha Leavitt.