Disa bebe e pranojnë biberonin që në fillim dhe lidhen veçanërisht me të. Megjithatë, shumica e prindërve të rinj pyesin nëse gjumi me biberon është i sigurt për fëmijën e tyre apo nëse duhet ta heqin atë kur bie në gjumë, shkruan Panacea.
Mos u shqetësoni, është krejtësisht e sigurt që foshnjat të flejë me biberon. Fjetja me biberon në fakt zvogëlon rrezikun e sindromës së vdekjes së papritur të foshnjave (SIDS).
Biberonët janë një ngushëllim i madh për foshnjat, një ndihmë qetësuese para gjumit, por ka ende disa këshilla sigurie që duhet ti keni parasysh nëse fëmija juaj përdor biberon gjatë gjumit:
- Asnjëherë mos e lidhni biberonin me rrobat apo shtratin e foshnjës.
- Zgjidhni një biberon me vrima ajri në mburojë (pjesa që qëndron lartë në gojën e foshnjës tuaj).
- Monitoroni madhësinë e biberonit dhe rritjen e fëmijës. Merrni gjithmonë ata biberonë që nuk mund të futen tërësisht në gojën e foshnjës.
- Ndërroni rregullisht biberonin pasi ato dëmtohen me kalimin e kohës. Disa prodhues i vendosin biberonëve edhe një datë skadence, ndaj nëse ka, respektoni afatin. Nëse nuk ka datë skadence, dhe goma ose silikoni ka ndryshuar ngjyrë ose është dëmtuar, me të çara, hidheni menjëherë.