Një zjarr ka shpërthyer mëngjesin e sotëm në një ndërtesë në Çair të Shkupit. Disa persona kanë kërkuar ndihmë mjekësore për shkak të tymit, raporton Portalb.mk.
Qendra për Menaxhimin me Kriza (QMK) në Maqedoninë e Veriut ka vlerësuar që zjarri në objektin banesor në Çair akoma është aktiv, për shkak se sasia e madhe e lëndës djegëse në atë objekt, e vështirëson shuarjen e zjarrit.
“Shuarja e zjarrit në Çair të Shkupit po kryhet me vështirësi për shkak sasisë së madhe të tymit dhe temperaturave të larta në podrum, ku kishte sasi e madhe e lëndës djegëse”, sqaruar nga QMK-ja, të cilët dolën në mbështetje të zjarrfikësve përmes një automjeti të Armatës, special kundër zjarrit.
31 persona kanë kërkuar ndihmë në Klinikën e Toksikologjisë që nga ora 03:30 e mëngjesit të sotëm, ndërsa në Klinikën e Fëmijëve janë sjellë 12 fëmijë të moshës nga pesë muaj deri në 11 vjeç, të cilët kishin thithur tym.
Sipas Ministrisë së Punëve të Brendshme disa banorë, një zjarrfikës dhe një punonjës policie kanë kërkuar ndihmë mjekësore mëngjesin e sotëm në kompleksin e klinikave “Nënë Tereza”, pasi kanë thithur tymin nga zjarri që gjatë natës ka rënë në bodrumin e një objekti në Çair të Shkupit.
MPB njoftoi se në orën 06:30 të mëngjesit të sotëm janë zbritur nga çatia e ndërtesa disa qytetarë dhe asnjëri prej tyre nuk është lënduar.
Qendra për Menaxhimin e Krizave (QKM) theksoi se Brigada për mbrojtje nga zjarri (BPPZ) të Shkupit gjatë natës, në ora 01:50, kanë marrë njoftim për zjarr në një depo të djegur në zonë e pacaktuar në rrugën “Prokhor” në Shkup.
Për shuarjen e zjarrit kanë ndërhyrë 20 zjarrfikëse me shtatë makina zjarrfikëse, i cili ka përfshirë edhe dyqane.
Ministria e Brendshme tha se po merren masa për zbardhjen e rastit.