Kosovari plagos me armë zjarri dy gra në një aheng në Kumanovë

Dy gra janë plagosur me armë zjarri në një aheng familjarë në Kumanovë të Maqedonisë. Autori i këtij incidenti mësohet të jetë një djalë i ri nga Kosova. Janë plagosur dy gra nga armë zjarri, si rezultat i të shtënave në një gazmend familjar në Kumanovë, ka njoftuar Ministria e Punëve të Brendshme (MPB). Për incidentin në fjalë tanimë dyshohet një person, i cili është identifikuar dhe menjëherë është arrestuar.

Bëhet fjalë për 19-vjeçarin D.A. nga Kosova, i cili kishte gjuajtur nga armë zjarri, në një gazmend familjar, në rrugën “Steno Stankovski” në Kumanovë.

Si pasojë e gjuajtjes, janë plagosur dy femra, prej të cilave njëra menjëherë është dërguar në Qendrën urgjente në Shkup, kurse tjetrës i është ofruar ndihma e parë mjekësore në Spitalin e Kumanovës. Policia ka dalë ne vendim e ngjarjes dhe i ka ndërmarrë të gjitha masat ligjore për ndriçimin e rastit.

Lajme të ngjashme

Back to top button