Në Merdare kolona deri në 35 km, pritet nga 12 orë

Në kalimin kufitar në Merdare vazhdon të jetë tollovi e madhe. Mërgimtarët që po hyjnë në Kosovë presin deri në 12 orë, derisa thuhet se kolona në anën e Serbisë ka arritur deri në 35 kilometra.

Indeksonline ka raportuar edhe dje nga Merdara për tollovitë e krijuara.

Shumica e udhëtarëve ankohen në procedurat byrokratike për dokumentacion që kërkohet nga doganierët.

Në anën tjetër, zëdhënësi i Policisë së Kosovës, Baki Kelani thotë se në orët e pasditës, pritjet janë zvogëluar deri në katër orë.