Komuna Qendër plani i miratuar urbanistik nuk është i ligjshëm
Komuna Qendër nëpërmjet një deklarate me shkrim është shprehur se ndryshimet në Planin e detajuar urbanistik për ‘Tasino çeshmiçe” dhe ‘Kapishtec’ që u votuan mbrëmë në seancën e Këshillit, nuk janë miratuar në mënyrë të ligjshme, sepse sipas ligjit për vetëqeverisje lokale, kjo duhet të miratohet me shumicë votash nga numri i përgjithshëm i këshillit, derisa ndryshe nuk është i përcaktuar me ndonjë ligj tjetër.
Këto plane urbanistike janë votuar me 11 vota ‘për’ nga këshilltarët e koalicionit VMRO-DPMNE, kryetari i këshillit Mirosllav Shipoviq votoi kundër, ndërsa këshilltarët e opozitës dhe kryetari i Komunës Qendër Andrej Zhernovski në shenjë revolte më herët e lëshuan seancën.
