Paraburgim 30 ditorë për protestuesit e 4 korrikut
Paraburgim 30 ditorë për personat të cilët morën pjesë në protestat e 4 korrikut në Shkup. Sipas Prokurorisë, grupi prej 8 personave ishin pjesë e protestuesve dhe të njëjtit kanë bërë demolimin e objektit të gjyqit dhe kanë lënduar disa pjesëtarë të policisë.
Kodi penal parasheh burgim prej 3 muaj deri në 5 vite, për pjesëmarrje në turmë, pengesë në kryerjen e detyrës zyrtare dhe demolim të objekteve.
Në kumtesën e Gjykatës Themelore Shkup 1, thuhet se gjatë ditëve në vijim, pritet që të mbahet edhe seanca kryesore për përmbylljen rastit, për të cilën do të informohet edhe publiku.