Rama: Duhet të reflektojnë garantuesit e Marrëveshjes së Ohrit

Kryeministri i Shqipërisë, Edi Rama e ka cilësuar mosrespektimin e Marrëveshjes së Ohrit si arsyen kryesore të përplasjeve të fundit në Maqedoni. Në një deklaratë të tijën në darkën e shtruar me rastin e Muajit të Shenjtë të Ramazanit, Rama tha se edhe faktori ndërkombëtar, përveç atij shqiptar dhe maqedonas, duhet të reflektojë në situatën e krijuar në Maqedoni.

“Marrëveshja e Ohrit kishte garant edhe faktorin ndërkombëtar, kështu që të tria palët që hynë garant, ajo shqiptare, maqedonase dhe faktori ndërkombëtar, duhet të reflektojnë”.