Jashari: Protesta e drejtë legjitime, por nuk duhet të keqpërdoret nga grupe politike apo individ
Ministri i Drejtësisë, Adnan Jashari, thotë për Portalb se e drejta e protestës është e drejtë kushtetuese dhe ligjore dhe askush nuk mund të kufizojë, ndaloj apo mohoj këtë të drejtë.
“Për të realizuar qëllimet, protesta duhet të organizohet në mënyrë sa më të organizuar dhe nga organizatorë që do të prezantojnë interesat e protestuesve, por edhe të bartin përgjegjësi. Mbi të gjitha kjo e drejtë shumë e rëndësishme që është shfrytëzuar historikisht nga shtresa të ndryshme shoqërore, nuk duhet të keqpërdoret nga grupe të ndryshme politike apo individ të caktuar”, tha për Portalb, Adnan Jashari.