Bret: Në Maqedoni palët duhet ta zhvillojnë kulturën politike

Ambasadori i OSBE në Maqedoni Ralf Bret, në një intervistë për Radio Evropa e Lirë, ka theksuar se pret që pozita dhe opozita të nisen nga një platformë reale dhe jo vetëm të ndërrojnë pozicionet maksimaliste, sepse Parlamenti pa opozitë nuk është i plotë.

Ambasadori Bret edhe pse nuk sheh diçka negative nga marrëveshja e një marsit, konsideron se një pjesë e asaj për të cilën është marrë veshtë nuk është plotësuar. Sipas tij të gjithë aktorët e involvuar patjetër të pranojnë se duhet ende të zhvillohet kultura politike.

Lidhur me partizimin e institucioneve shtetërore, ambasadori Bret thotë se problem është te mentaliteti i fituesit dhe humbësit.