Pas një dite tregu në Tetovë, trotuaret mbesin plotë hedhurina

Hapësira  afër Çarshisë së vjetër në Tetovë , që  zakonisht njihet si “tregu i grave”, pas çdo të enjte që është edhe ditë tregu, lenë një dekor mbeturinash përgjatë rrugës fare pranë varrezave të qytetit dhe një ndër atraksioneve turistike dhe monumentale të Tetovës, Teqesë “Harabati Baba”.

Një ditë e ngarkuar tregu, sjellë tregtarë nga të gjitha anët në këtë pjesë të qytetit. Qytetarët thonë se janë shumë të pakujdesshëm për ambalazhin dhe mbetjet e kalbura që i lënë anësh.

Një qytetarë i vjetër i Çarshisë së Tetovës, Ibrahim. S, thotë për Portalb se, hedhurinat përgjatë rrugëve ndonjëherë mbesin edhe me javë deri sa vinë dita tjetër e tregut. Ai thotë se ndihen të lodhur nga intervenimet e vazhdueshme për ti bartur ose të paktën për të mos lejuar tregtarët që të lënë mbeturinat në mes të rrugës.