“Stacione policore mobile” nëpër gjithë Maqedoninë

Projekt i ri “Stacione policore mobile”  do të promovohet sot para SHF “Cirili dhe Metodi” në fshatin e Stajkovc të Shkupit. Fillimin e projektit do ta promovojë ministrja  e Punëve të Brendshme Gordana Jankullovksa.

Projekti është përqendruar në vendbanimet rurale në zonën e Shkupit. Në promovimin e projektit do të marrin pjesë kryetari i Qytetit të Shkupit, si dhe të komunave Petrovec, Haraçinë, Ilinden dhe Gazi Babë, Koce Trajanovski, Borçe Mitrevski, Ibraim Ajvazi, Zhika Stojanovski dhe Toni Trajkovski, si dhe kryetarët e këshillave komunale.