Edi Rama, një kalimtar i thjeshtë shkon në këmbë në kryeministri (Video)

Ora 08:00. Kryeministri Edi Rama përshkon në këmbë bulevardin për të shkuar në kryeministri. Si një qytetar i thjeshtë, ecën në trotuarin përballë piramidës, mes kalimtarëve të tjerë, pa u shqetësuar nga askush.

Ndoshta në këtë moment mund të ndihet pak në siklet nga gazetari ynë, i cili me telefon fikson këto momente, ndryshe nga kalimtarët e tjetër me të cilët ndan trotuarin.

Në fakt ne shqiptarët të mësuar me ish kryeministra që lëviznin me eskorta makinash dhe të rrethuar nga truprojet, na bën përshtypje.Por për kryeministrin Edi Rama një veprim i tillë është i zakonshëm. Shumë kujt i takon ta shohë të lëvizë nëpër kryeqytet si një qytetar i thjeshtë, madje të shkojë dhe në supermarket të bëjë pazar.

Madje ai vetë në dhjetor të 2013 pat deklaruar se do të shkonte me shumë dëshirë në këmbë në zyrë sepse shtëpia e tij nga godina e kryeministrisë ishte lehtësisht e përshkueshme, ndaj ishte e kotë të merrte makinën dhe të ndote ambientin.

Pamjet janë filmuar nga gazetari i Ora News Besmir Metani./ Ora News/