Zekolli: Jap dorëheqje, për të dërguar porosi te ata që postet i kanë zënë me dekada

Pas tre viteve në kreun e Institutit për Trashëgimi Shpirtërore e Kulturore të Shqiptarëve (ITSHKSH), Shefqet Zekolli ka vendosur të japë dorëheqje, të cilën e ka dorëzuar te Këshilli i Institutit.

“Nuk ka gisht politika në dorëheqjen time. Unë kam dhënë dorëheqje duke dashur të dërgoj një porosi deri te të gjithë ata të cilët tanimë me dekada kanë zënë pozicionet nëpër institucione të ndryshme thuajse i kanë trashëgimi a miraz”, thotë Zekolli në intervistën për “Lajm”, duke mos lënë aspak hapësirë për spekulime se dorëheqja e tij është rezultat i ndonjë pakënaqësie eventuale.