Arta Bajrami: Jam më bombë se J.Lo

Këngëtarja e njohur Arta Bajrami e cila jo shumë kohë më parë në treg erdh me këngën e re ‘Nuk prish punë’, u kritikua shumë nga mediat, kinse ka kopjuar këngëtaren me famë botërore Jennifer Lopez.

Ndërkaq këngëtarja nuk iu ka mbetur borxh këtyre komenteve. Ajo në faqen e saj zyrtare ka lënë një mbishkrim i cili thotë.

“Ani çka nëse e kopjoj Jennifer Lopez. Ajo është yll i botës, atë krejt bota e kopjon, çka ka lidhje ajo punë. Me këndua di më mirë se Jennifer Lopez, bile Athele Class ma kanë bërë veshjen shumë më bukur se J .Lo.  Gjithë kohën jam munduar me qenë origjinale por nuk është vlerësuar përpjekja ime, po unë përsëri do të vazhdoj të jem origjinale. Kam marrë këtu diçka që më ka pëlqye, por e kam realizuar edhe më mirë se origjinalja. Unë jam më bombë se J. Lo”, ishte mbishkrimi i këngëtares, i cili tregon se Arta nuk është ndjerë mirë me shkrimet që i janë bërë kohëve të fundit për kopjim.

Sidoqoftë Arta ka arritur të pëlqehet edhe me këtë këngë e cila tashmë po dëgjohet gjithandej.