fbpx

Mungesa e Uollersit dhe Oravit, porosi ogurzezë për qeverinë e Gruevskit

Mos prezenca e dy ambasadorëve më të rëndësishëm në vend, Orav dhe Vollers në seancën inauguruese të qeverisë së re të Nikolla Gruevskit është një mesazh i fuqishëm për qeverinë e re, theksojnë analistët. Në këtë seancë si që konfirmuan nga ambasada e Amerikës për Portalb, nuk kishet asnjë përfaqësues amerikan, ndërkaq nga ajo e BE-së ishte zëvendësi i Oravit.

Analisti Alajadin Demiri, për Portalb, thotë se mungesa e ambasadori të BE-së, Aivo Orav dhe ambasadorit amerikan, Poll Vollers, në seancën parlamentare ku kurorëzohej qeveria e re e Nikolla Gruevskit, është në të vërtet mos bekim i qeverisë së re dhe shprehje e mbylljes se dyerve të kësaj qeverie.

“Bazuar në menaxhimin e politikës që e bën Gruevski dhe Ahmeti është krejtësisht e kuptueshme se kooperimi me këta forca është i planit sekondar, ndërsa primare për këta është të fitohen zgjedhjet dhe të blihet koha”, thotë për Portalb Alajdin Demiri.

Sipas Demirit, letra e ambasadorit t BE-së, Aivo Orav drejtuar Gruevskit shumë qartë shpreh pakënaqësinë e BE ndaj proceseve që ndodhin në Maqedoni, prandaj kjo porosi e BE dhe SHBA-së, sipas tij është porosi ogurzi për këtë qeveri.

Për analistin Albert Musliu, mospjesëmarrja e abasdorëve Orav dhe Uolers ka simbolikën e vetë. Sipas tij, mos prezenca mund të jetë objektive, por edhe subjektive.

“Nëse mungesa e tyre është për shkaqe subjektive, atëherë është një mesazh inkurajues për takimin e nesërm mes Zaevit dhe Gruveskin, pra është inkurajim që ta intensifikojnë bisedimin dhe të gjejnë një formë kompromisi për tejkalimin e situatës, për mos prezencën e opozitës në Parlament. Edhe deklaratat e ambasadorëve ishin se bojkoti nuk është zgjidhje, por theksonin se qeveria duhet të gjejë modusin për të kthyer opozitën në Parlament”, thotë Albert Musliu.

Lajme të ngjashme

Back to top button