Fjalët e fundit të Prokurorit Publik për rastin “Monstra” mund të nxisin tensione ndëretnike
Fjalët e fundit të Prokurorit Publik për rastin “Monstra”, dolën nga korniza ligjore për konceptet e fjalëve të fundit në procedurat penale, vlerëson Komiteti i Helsinkit për të drejtat e njeriut, në raportin për muajin prill dhe maj.
“Sipas fjalëve të fundit të Prokurorisë është e qartë tendenca e popullarizimit të këtij rasti në drejtim etnik dhe fetar të cilën Prokuroria e cilëson si vepër penale “Terrorizëm”.
Për motivet e këtij rasti, në fjalën e fundit Prokuroria nxori mesazhin” Gjuajmë në të enjten e madhe për të pasur Pashkë të përgjakur. Vrasim meshkuj për t’ua zhdukur ardhmërinë dhe fenë.
Komiteti i Helsinkit vlerëson se një mënyrë e tillë e shprehjes së motiveve mund të konsiderohet si jo adekuate me rregullativën e ligjit për ndjekje penale, sipas të cilëve Prokuroria duhet të shpreh qëndrimin e tij për dëshmitë.
Komiteti i Helsinkit thotë se shqiptimi i fjalive sikur t’i kenë thënë vetë të akuzuarit për motivet e vrasjes lehtë mund ët krijojnë pasiguri dhe frikë tek qytetarët dhe lehtë mund të jenë motiv për tensione ndëretnike në mes dy bashkësive më të mëdha etnike në Maqedoni