Me një fotografi të vjetër mediat dezinformuan se në sheshin Maqedonia është aksidentuar një kamion

Fotografia e vjetër – nga nëntori i vitit 2022, e një kamioni të rrëzuar në sheshin e qytetit në Shkup, fillimisht është publikuar në faqen e Facebook-ut “Muri i turpit të trafikut rrugor” dhe prej aty është marrë nga disa media pa verifikim, më pas është përhapur në rrjetet sociale. Qyteti i Shkupit mohoi lajmin e rremë: Kjo ngjarje nuk ka ndodhur. Në sheshin “Maqedonia” nuk ka kaluar as kamion dhe as nuk është rrëzuar në shatërvan, shkruan Vërtetëmatësi.

Më 22 mars 2023 (e mërkurë), një foto u publikua në disa faqe mediatike si dhe në faqet e tyre në Facebook (këtu, këtu, këtu, këtu – disa i kanë fshirë lajmet dhe postimet), shoqëruar me një lajm në të cilin pretendohej se atë ditë në sheshin e qytetit në Shkup është rrëzuar sërish një kamion. Megjithatë, fotografia është e vjetër e 4 muajve më parë dhe atë ditë (22 mars 2023) në sheshin e qytetit nuk ishte rrëzuar asnjë kamion. Gjithashtu, zona rreth shatërvanit ku dyshohet se ka ndodhur ngjarja është rrethuar për të mos lejuar lëvizjen e automjeteve në atë zonë.

Titujt në media ishin:

• Një kamion tjetër është rrëzuar në shatërvanin në sheshin Maqedonia
  
• Mëngjesin e sotëm një tjetër kamion është rrëzuar në sheshin Maqedonia.
  
• Sheshi “Maqedonia” u godit sërish nga një kamion, një vrimë e re u hap në shatërvan pas tentativës për ta kaluar atë
  
• Një tjetër kamion u rrëzua në sheshin Maqedonia – u bë praktikë e zakonshme

Të gjithë artikujt e rremë shpërndanë të njëjtën foto, e cila në fakt daton në 23 nëntor 2022, kur një kamion vërtet u rrëzua në në dyshemenë e shatërvanit në sheshin e qytetit. Ministria e Punëve të Brendshme raportoi atëherë (23.11.2022) për ngjarjen me furgon nga fotografia:

Sot, 23.11.2022, në ora 06:40 në MPB – Shkup është raportuar se në sheshin Maqedonia, një automjet mallrash Fiat, me marka kombëtare turke, në pronësi të personit juridik nga Republika e Turqisë, i drejtuar nga K.T.(31. ) nga Republika e Turqisë, me të dyja gomat e përparme ka hyrë në shatërvan në shesh. Në vendngjarje kanë shkuar efektivët e policisë dhe po merren masa për zbardhjen e rastit.

Fotoja e vjetër, e nëntorit 2022, u postua për herë të parë në faqen e Facebook-ut “Muri i turpit të trafikut rrugor” dhe u huazua prej aty pa verifikim nga media të shumta, më pas u përhap në rrjetet sociale.

Disa prej tyre pasi e kuptuan se kanë bërë një anashkalim, pra nuk e kanë kontrolluar informacionin por e kanë marrë si të besueshme, duke i besuar postimit në rrjetet sociale – i kanë hequr postimet nga media. Mirëpo, deri atëherë dezinformatat tashmë ishin përhapur, kështu që në hapësirën mediatike mund të gjenden njëkohësisht postime në të cilat pretendohej se është rrëzuar një automjet në shesh atë ditë, si dhe të tjera në të cilat pretendohej se media kishte publikuar dezinformata.

Qyteti i Shkupit mohoi lajmin e rremë:

Na vjen keq që duhet të reagojmë në këtë mënyrë, por duhet të konstatojmë mosgatishmërinë e disa mediave për të kontrolluar në mënyrë adekuate informacionet që postohen në rrjetet sociale, të krijuara në kuzhinat e partive dhe t’i paraqesin si të besueshme. E vërteta, nëse u interesuan mediat që raportuan për një kamion të rrëzuar në sheshin “Maqedonia”, është se kjo ngjarje nuk ka ndodhur. As kamion nuk ka kaluar nëpër sheshin “Maqedonia”, as nuk ka rënë në shatërvan, thonë nga Qyteti i Shkupit.

Në mohimin e tyre gjithashtu shtohet: