Maturantët dhe studentët sot protestojnë para MASh-it, kërkojnë maturë më të lehtë shtetërore dhe standard më të mirë për studentët
Maturantët dhe studentët sot nga ora 12:30, para godinës së Ministrisë së Arsimit dhe Shkencës do të zhvillojnë protestë ku do të kërkojnë lehtësimin e maturës shtetërore, si dhe përmirësimin e standardit të studentëve, transmeton Portalb.mk.
Protesta organizohet nga Organizata për Dialog dhe Afirmim të nxënësve të shkollave të mesme dhe studentëve (ODANShMS), si dhe Lëvizja “Rezistenca studentore”.
ODAShM njoftoi se do t’i dërgojë kërkesë Kuvendit dhe Qeverisë për lehtësimin e dhënies së maturës shtetërore për gjeneratën e këtij viti – ose të shkurtohe vëllimin e materialit ose të zvogëlohet numri i provimeve të interne.
Nga atje thonë se si organizatë synojnë që fillimisht gjërat të zgjidhen me diskutim dhe vetëm atëherë do të pasonin masa më radikale. Ata kërkojnë uljen e sasisë së materialit për dhënien e provimit të maturës ose shkurtimin e një lëndëve interne. Sipas tyre, kjo është për shkak të dy faktorëve më të mëdhenj në katër vitet e fundit – krizës së koronës dhe një viti e gjysmë të mësimdhënies online dhe kërcënimeve me bomba. ODAShM thotë se maturantët janë brezi më i dëmtuar pasi deri më tani nuk kanë pasur një vit të plotë shkollor të pandërprerë.
Nga Unioni i nxënësve të shkollave të mesme të Republikës së Maqedonisë së Veriut thonë se nëse hiqet një provim intern nga gjithsej dy që janë pjesë e provimit të maturës shtetërore, mundësia e regjistrimit të maturantëve në fakultet do të reduktohet seriozisht dhe do të çrregullohet.
Andaj, në letrën drejtuar opinionit thonë se në një rast të tillë, fakultetet nuk do të mund të shënojnë vlerësojnë kandidatët, provimet e të cilëve do të përmbajnë vetëm gjuhë dhe letërsi maqedonase, gjuhë angleze ose matematikë dhe një lëndë tjetër zgjedhore.
“Kjo është veçanërisht e vërtetë për studentët që planifikojnë të studiojnë jashtë vendit. Provimet interne janë më të lehta se ato eksterne dhe heqja e tyre do të ulë mundësinë e maturantëve tanë për t’u regjistruar në studimet universitare”, thuhet në njoftimin e Unionit të nxënësve.
Nga aty bëjnë të ditur se sot në orën 11:00 do të mbajnë seancën e jashtëzakonshme të Kuvendit të Përgjithshme, pika e vetme e rendit të së cilës do të jetë matura shtetërore.
“Heqja e një provimi intern do të dëmtojë studentët tanë që aplikojnë për studime jashtë vendit sepse nuk do të kenë gamë të mjaftueshme lëndësh. Për shembull, shkollat e mjekësisë në Britaninë e Madhe kërkojnë që çdo aplikant të dorëzojë të paktën një provim në biologji dhe kimi, dhe një provim i anglishtes u shërben aplikantëve të huaj për të vërtetuar se ata e dinë gjuhën. Duke qenë se provimi në gjuhën amtare nuk pranohet në fakultetet e huaja, maturantët tanë do të vendosen në një pozicion vartës. Ndërsa numri i tyre nuk është i vogël”, sqaron Unioni.
Statistikat thonë, shton Unioni, se nga 17,000 maturantë në vend, më shumë se 1,000 regjistrohen në Slloveni.
“Çdo vit kemi 300-400 maturantë shtesë që studiojnë në 17 vende të tjera nga Bashkimi Evropian, Ballkani Perëndimor dhe Turqia. Vetëm këtë vit shteti po jep bursa për 37 maturantë, gjegjësisht studentët e parë që studiojnë në 100 universitetet më të mira të Listës së Shangait. Duke marrë parasysh studentët që studiojnë në SHBA dhe Britaninë e Madhe pa bursë shtetërore, Unioni pohon me besim se çdo vit janë mbi 1700 maturantë që studiojnë jashtë vendit dhe vlerëson se numri mund të arrijë në dy mijë, përkatësisht rreth 12 për qind të totalit të maturantëve”, bëjnë të ditur nga Unioni.
Ndaj, sqaron Unioni, heqja e një provimi intern do të shkatërrojë punën, ambiciet dhe ëndrrat e këtyre gjimnazistëve dhe me një problem të ngjashëm mund të përballen edhe maturantët që do të studiojnë në universitetet vendase, nëse edhe ata vendosin të jenë më të rreptë gjatë regjistrimit, duke pasur parasysh se fakultetet janë institucione autonome.
Ministria e Arsimit dhe Shkencës disa ditë më parë tha se javën e ardhshme do të shqyrtohet kërkesa e maturantëve për uljen e materialit për dhënien e provimit të maturës shtetërore.
Ministri Jeton Shaqiri tha se do të ketë takim me Qendrën Shtetërore të Provimeve (QShP) si institucion që përgatit të gjitha fazat për realizimin e provimit të maturës shtetërore për të parë mënyrën se si duhet të realizohet. Ai shtoi se në mbledhje duhet të shqyrtohen edhe rregulloret ligjore, përkatësisht çfarë lejon ligji të ndryshohet në këtë moment në lidhje me kërkesën e maturantëve, duke qenë se tashmë janë caktuar provimet e maturës shtetërore.
Sipas zgjidhjes aktuale maturantët hyjnë në provim në dy lëndë të eksterne dhe dy interne dhe një detyrë projektuese. Testimi pas provimit të parë ekstern – gjuhë amtare (maqedonase, shqipe ose turke) dhe letërsi është caktuar për datën 27 maj dhe më 10 qershor, sipas kalendarit të Qendrës Shtetërore të Provimeve, duhet të japin provimin e dytë ekstern – zgjedhje midis lëndëve matematikë, gjuhë angleze, frëngjisht, gjermanisht, rusisht, filozofi ose estetikë.
