Shkupi me 45 mijë vota, vetëm një ministri në Qeverinë e re

Redaksia Portalb 16:16, 13-06-2014

Ali Ahmeti me përfaqësues të tjerë të BDI

BDI-ja vazhdon të shqyrtojë emrat e mbi 120 funksionarëve që duhet ti delegojë nëpër postet e zv/ministrave, sekretarëve shtetërorë dhe drejtorëve. Kryesia Qendrore e BDI-së në bashkëpunim me përfaqësuesit e degëve po harton ndarjen proporcionale të sektorëve, transmeton Alsat M.

Jozyrtarisht mësohet se Shkupi do të përfaqësohet me dy zv/ministra, ndërsa Tetova dhe Struga me nga një. Shkupit duhet ti takojë zv/ministri i mbrojtjes, post i cili do ti takojë degës së Sarajit dhe njëri nga zv/ministrat e Transportit ose Financave. Zv/ministër i njërit nga këto dy dikastere pritet të jetë Arben Llabënishti nga Struga. Ndërkohë posti i zv/ministrit të brendshëm i takon degës së Tetovës.

Postet në eshalonin e dytë dhe të tretë do të shfrytëzohen për të amortizuar pakënaqësitë e mundshme në degët e BDI-së, pas bërjes publike të ministrave dhe zv/kryeministrave. Ajo që bie në sy është se numri më i madh i ekzekutivit i është ndarë kuadrove nga Tetova dhe Gostivari, 3 ministri dhe 1 zv/kryeministër. Shkupit i është ndarë vetëm 1 ministri, edhe pse në mandatin e kaluar kuadro nga kryeqyteti drejtonin dy resorë. Nëse merren votat si kriter, rezultatet nuk janë as afër raportit 4:1 në favor të rajonit Pollogut, siç është reflektuar në postet e ekzekutivit. BDI-ja në Tetovë, Gostivar dhe komunat në rrethinë ka grumbulluar gjithsej 53 mijë vota. Ndërsa vetëm në Shkup dhe rrethinë partia e Ahmetit ka marrë gjithsej rreth 45 mijë vota. Përfaqësues në postet më të larta të ekzekutivit do të kenë edhe Kërçova me një zv/kryeministër dhe Likova me një ministër.

Përveç për ndarjen proporcionale të posteve nëpër degë, BDI-ja është përballur me pakënaqësi edhe rreth kuadrove, për shkak të lënies jashtë Qeverisë ish pjesëtarët e UÇK-së.

TETOVË, GOSTIVAR DHE RRETHINË:

Tetovë – 16.604

Gostivar – 12.500

Tearcë – 4.595

Bogovinë – 6.303

Vrapçisht – 4.465

Bërvenicë – 1.787

Jegunovcë – 1.346

Zhelinë – 5.802

GJITHSEJ – 53.402 vota

SHKUP DHE RRETHINË:

Çair – 14.805