Gaspar: Ilaçi “Trikafta” ka mbërritur në RMV

Ilaçi “Trikafta” ka mbërritur në shtetin tonë, konfirmoi për MIA-n kryetari i Asociacionit për fibrozë cistike Fili Gaspar, njofton Portalb.

Ai theksoi se ilaçi ka mbërritur në vend gjatë ditës së hënë, por ende nuk janë distribuuar deri te klinika, për shkak se presin që të përfundojnë procedurat administrative.

“Tani duhet të kalojnë procedurat burokratike, dogana, aprovimi….Por, me siguri, edhe pse jozyrtarisht, tashmë të premtën ndoshta pacientët do të ftohen për të marrë ilaçin. Deri në fund të javës do të duhet të mbërrijë në klinikë”, theksoi Gaspar.

Kryetari i Asociacionit për fibrozë cistike deklaroi se sot kanë pasur takim me ministrin e Shëndetësisë Fatmir Mexhiti dhe kanë biseduar për aktivitetet e ardhshme.

“Biseduam për shumë gjëra, për planet që i ka për mëtej. Jami të njoftuar me gjithçka, ne do ta bëjmë punën siç e kemi bërë deri tani”, shtoi Gaspar.

Përndryshe, nga fundi i shkurtit Agjencia për Barna “MALMED” ka dhënë miratim për importin e ilaçit “Trikafta” për pacientët me fibrozë cistike. Drejtori i “MALMED”, Lirim Shabani, ka deklaruar se kanë mbaruar të gjitha procedurat për miratimin e importit të ilaçit dhe tani mbetet vetëm të realizohet procedura.

Ndryshe, pacientët e prekur nga fibroza cistike me vite e kërkojnë këtë ilaç, madje kanë bërë disa herë edhe protestë, megjithatë deri tani nuk është furnizuar.

Më 8 shkurt ndërroi jetë pacienti i sëmurë rëndë nga sëmundja e rrallë e fibrozës cistike, Bllagojçe Ilievski.

Një ditë më vonë, anëtarët e Asociacionit për Fibrozë Cistike u mblodhën para Qeverisë për të shprehur revoltën e tyre ndaj mosfurnizimit të këtij ilaçi të nevojshëm.

“Është fatkeqësi që në shekullin 21 kemi ilaç për fibrozë cistike, ndërkaq njerëzit vdesin nga kjo sëmundje. Nuk duhej të vdiste Bllagojçe dhe pastaj gjatë natës të gjenden paratë”, tha Ivana Vasilevska nga Asociacioni për Fibrozë Cistike.

Pas protestës, anëtarët e Asociacionit u takuan me kryeministrin Dimitar Kovaçevski, i cili u garantoi se janë siguruar mjetet dhe se shteti do të sigurojë ilaçin e nevojshëm.

• LEXO: “MALMED” e miratoi importin e ilaçit për të sëmurët me fibrozë cistike, “Trikafta”
• LEXO: Është fatkeqësi që në shekullin 21 të vdesësh nga sëmundja për të cilën ka ilaç, protestë për vdekjen e Bllagojçe Ilievskit
• LEXO: Duke e pritur ilaçin “Trikafta”, ndërroi jetë pacienti me fibrozë cistike, Bllagojçe Ilievski
• LEXO: Pacientët me fibrozë cistike para Qeverisë së RMV-së kërkuan që shteti të sigurojë mjete për terapi për sëmundjen
• LEXO: RMV, tetë pacientë do të marrin ilaçin “trikafta”, priten ndryshime ligjore që ta marrin edhe të tjerët – nesër protesta para Qeverisë
• LEXO: Vendimet e Qeverisë së RMV-së: Barna për fibrozë cistike, taksa e solidaritetit, Kanioni Matka…
• LEXO: RMV, pacientët me fibrozë cistike nga një tetori do të mjekohen në klinikat për sëmundje të fëmijëve dhe pulmologjisë