Policia për katër orë kapi 42 autobusë që në gjendje të parregullt kryenin transportin e nxënësve
Në orët e mesditës, Policia e Maqedonisë së Veriut arriti të regjistrojë 42 autobusë që kryenin transportin e nxënësve, transmeton Portalb.mk.
“Sot (03.02.2023) në harkun kohor nga ora 12:00 deri më 16:00 në tërë territorin e Republikës së Maqedonisë së Veriut është realizuar kontrollim aksional i automjeteve të cilat kryejnë transportin e nxënësve. Gjatë kontrollit janë konstatuar 42 kundërvajtje”, raporton Policia.
Policia sqaroi që këto kontrolle do të vazhdojnë me qëllim rritjen e sigurisë së nxënësve gjatë lëvizjes ndërmjet shkollës e shtëpisë.
