Shkarkohet Seedorf, Inzaghi trajner i ri i Milanit

Drejtuesit e Milanit e kanë shkarkuar nga detyra e trajnerit, holandezin Clarence Seedorf, për t’ia besuar drejtimin e skuadrës një tjetër legjende të klubit kuqezi, Filippo Inzaghi.

Ky i fundit deri më tash e ka drejtuar skuadrën e të rinjve të Milanit. Kësisoj, Seedorf, i cili e mori drejtimin e kuqezinjve vetëm pak muaj më parë, do të jetë i detyruar që të kërkojë punën në zejen e tij të re.