U ndryshua gjyqtari i rastit “Target Fortesa” ku të akuzuar janë Mijallkov dhe Jankullovska
Rasti “Target -Fortesa” i jepet gjyqtarit Ilija Tërpkov, konfirmuan nga Gjykata Themelore Penale – Shkup për Telma, pasi te ata arriti vendimi i Gjykatës së Apelit për anulimin e aktgjykimit të shkallës së parë për rastin në të cilin ish-drejtori i DSK-së, Sasho Mijalkov dhe ish-ministrja Gordana Jankulovska, si dhe ish-punonjës të DSK-së dhe MPB-së, akuzohen për keqpërdorim me përgjime të paligjshme dhe shkelje masive të të drejtave të njeriut.
Lënda i është caktuar Këshillit Gjyqësor të udhëhequr nga gjyqtari Ilija Tërpkov për shkak se gjyqtarët e mëparshëm nuk janë më në departamentin gjyqësor për ndjekjen e krimit të organizuar (gjyqtari kryesor është në një departament tjetër, ndërsa gjyqtari i dytë është avokat).
Tërpkov ka qenë gjykatës edhe në lëndët “Organizatorët e 27 prillit” në të cilin është akuzuar edhe Trajko Veljanovski si kryetar i Kuvendit, “Parcelat e Vodnos në të cilin janë akuzuar Orce Kamçev dhe Sasho Mijallkov dhe në rastin për vrasjen e Tushevskit në vitin 2001. , “Rover” për të cilin u akuzua ish-ministri Lube Boshkoski.
Gjykata e Apelit njoftoi se vendimi i anonimuar, vendim për anulimin e aktgjykimit, do të publikohet në faqen e gjykatës.
Në lidhje me vendimin “Target-Fortesa”, Këshilli Gjyqësor ka konstatuar se gjyqtari raportues ka tejkaluar të gjitha afatet kohore të vendimmarrjes, gjë që e vë në rrezik vjetërsimin e gjithë çështjes.
“Target-Fortesa” është lënda e aferës masive të përgjimeve të paligjshme dhe me aktgjykim të shkallës së parë ish-kreu i DSK-së, Sasho Mijalkov, është dënuar me 12 vjet burg.
Bashkë me të, me katër vjet burg është dënuar edhe ish-ministrja e Punëve të Brendshme, Gordana Jankulloska. Dënime më të larta prej 15 vitesh burg morën dy agjentët e arratisur të kundërzbulimit nga e ashtuquajtura Drejtoria e pestë e DSK-së së atëhershme, Nikolla Boshkovski dhe Goran Grujovski.
Në këtë rast janë akuzuar gjithsej 11 persona, të cilët me aktgjykim të shkallës së parë janë dënuar me gjithsej 55 vjet burgim dhe 10 vite me kusht, i cili tashmë është anuluar nga Apeli.
- LEXO: Këshilli Gjyqësor: Apeli ka zgjidhur lëndë tjera, ndërsa atë për Mijallkovin në mënyrë të paarsyeshme e ka mbajtur në sirtar
- LEXO: Këshilli i Ambasadorëve: Sistemi gjyqësor ndikohet nga struktura të ndryshme pushteti
- LEXO: Ta presim Gruevskin me kalë të bardhë, reagoi Zoran Zaevi pas vendimit të Gjykatës për rastin e Sasho Mijallkovit
- LEXO: Jam i tronditur nga vendi i gjykatës për Mijallkovin, u shpreh Pendarovski
- LEXO: Taravari për shpëtimin e Mijallkovit: Drejtësia në agoni, shteti kapitulloi përballë krimit dhe korrupsionit
- LEXO: Apeli e shpëtoi Mijallkovin nga dënimi me 12 vjet burg për përgjimet, për dy vjet i vjetërsohet lënda
- LEXO: Ish shefi i policisë sekrete, Sasho Mijallkov doli nga burgu i Shutkës
- LEXO: Gjykata e Apelit sqaroi pse i hoqi paraburgimin Sasho Mijallkovit
- LEXO: As 11 milionë euro s’e nxjerrin nga burgu ish-drejtorin e Policisë Sekrete
- LEXO: Heshtje në Apel vendim skandaloz ndaj Mijallkovit, Këshilli Gjyqësor thotë se gjykatësit janë të pavarur të vendosin