Revizioni i RMV-së: Vetëm 52 për qind e masave për reforma në drejtësi në janë zbatuar plotësisht
Nga gjithsej 130 masa, të cilat ishin parashikuar në Strategjinë për reforma në sektorin e drejtësisë 2017-2022 dhe në Planin aksional, vetëm 52 për qind janë zbatuar plotësisht. Pjesërisht, megjithatë, vetëm 34 janë zbatuar, dhe 14 për qind nuk janë zbatuar, transmeton Portalb.mk.
Kështu ka konkluduar Enti Shtetëror për Revizion (EShR), i cili në përputhje me programin e tij vjetor për vitin 2022 bëri revizion lidhur mbi atë se sa nga ajo që ishte planifikuar është realizuar.
Arsyen për realizimin e vetëm 52 për qind të asaj që ishte planifikuar për periudhën e kaluar, EShR e gjen në disa faktorë.
“Kjo situatë vjen si pasojë e përcaktimit joadekuat të masave për arritjen e qëllimeve, mungesës së treguesve të qartë të marshëm, afateve joreale, zgjedhjeve të vlerësuara të mjeteve financiare, koordinimit të pamjaftueshëm të institucioneve dhe organeve kompetente përgjegjëse për masat dhe aktivitetet”, thonë nga EShR.
Nga paratë e planifikuara për 15 masa, u përdorën vetëm 20 për qind
Në njoftimin e EShR-së theksohet edhe fakti se për 15 masa të parapara me Strategjinë dhe Planin aksional ishin planifikuar gjithsej 366 milionë denarë (gati 6 milionë euro), por deri më 31 dhjetor 2021 vetëm 20 për qind, gjegjësisht rreth 74 milionë denarë (rreth 1.2 milionë euro).
Si shembull se pse është realizuar kaq pak, auditorët thonë se për ndërtimin e kushteve të reja hapësinore nuk është përdorur as 40 për qind e parave, si dhe për faktin se 85 për qind e fondeve për sigurimin e hapësirave të veçanta për prokurorët që ndodhen në hapësirat e gjykatave.
“Shkalla e ulët e realizimit të mjeteve të planifikuara vjen si pasojë e mosrealizimit të mjeteve të planifikuara për masën “Ndërtimi i kushteve të reja hapësinore”, që paraqet 40 për qind të mjeteve të planifikuara, si dhe mosshfrytëzimi i plotë i fondeve të parapara me masën “Prokuroria Publike e RM-së për rregullimin hapësinor dhe ndarjen e Prokurorisë nga gjykatat”, ku janë planifikuar mjete më shumë se sa 15 për qind e nevojshme”, sqaroi EShR.
Auditorët gjithashtu vërejnë se ata që duhet të monitorojnë zbatimin e reformave – Këshilli për Monitorimin e Zbatimit të Strategjisë, kanë mangësi në punën e tyre dhe se ky organ punon pa një metodologji të përcaktuar për vlerësimin e rezultateve të masave dhe aktiviteteve të zbatuara.
Enti Shtetëror për Revizion ka nxjerrë një sërë raportesh, ku nënvizohen parregullësi të mëdha në instituconet shtetërore, si në punësime, zbatimin e masave për veprime klimatike, parregullësi në MPB, transaksione të dyshimta financiare në Agjencinë për rini dhe sport, etj.
