Udhëtimi privat në Turqi i planifikuar para se të bëhem zëvendës-ministër, thotë Bushi

Sipas medias shqiptare “Ora News”, 20.000 euro për një natë, në hotel dhe apartament luksoz, ka paguar zëvendës-ministri i Brendshëm, Nazim Bushi. Gjatë një hetimi për funksionarë shqiptarë, është gjetur edhe emri i zëvendës-ministrit Bushi, për të cilin thuhet se ka qëndruar një natë në apartamentin presidencial “Park Bosfor Hotel” në Stamboll, raporton Klan M.

Zëvendës-ministri i Brendshëm, Nazim Bushi, për Klan Maqedoni ka theksuar se bëhet fjalë për udhëtim privat për shkaqe shëndetësore, që ishte planifikuar para se të bëhej zëvndës-ministër. Në Turqi ka udhëtuar në Tetor 2020, kurse zëvendës-ministër është bërë më 23 Shtator të vitit të njëjtë.

“Bëhet fjalë për udhëtim privat para tre viteve, i planifikuar tre-katër muaj para se të bëhem zëvendës-ministër. Ishim në Turqi për intervenim mjekësor për një anëtar të familjes në “Koç Hospital”. Në apartamentin e hotelit kemi qëndruar më shumë persona, ishim mysafirë të dy miqve familjar që janë kujdesur për akomodimin. Nuk e di se kush e ka paguar llogarinë dhe sa kushton nata, por shuma prej 20.000 euro është e tepruar” – tha Nazim Bushi, zëvendës-ministër i brendshëm.

Edhe përgjigja nga Ministria e Punëve të Brendshme është e prerë.

”Bëhet fjalë për udhëtim për qëllime private që nuk është paguar nga MPB-ja” – thuhet në përgjigjen.

Harxhimet në llogari shtetërore nuk janë temë aktuale vetëm në Shqipëri. Edhe në Maqedoninë e Veriut, këtyre ditëve dolën të dhëna se vitin e kaluar janë harxhuar më shumë se 270 mijë euro për harxhime zyrtare.

Lajme të ngjashme

Leave a Reply

Your email address will not be published. Required fields are marked *

Back to top button